ദോഹ, ഖത്തർ: AFC U23 ഏഷ്യൻ കപ്പ് ഏപ്രിൽ 15 മുതൽ ആരംഭിക്കാനിരിക്കെ ഖത്തറിൽ വീണ്ടും ഫുട്ബോൾ ആവേശമുണരുകയാണ്.
2016 ന് ശേഷം ഖത്തർ രണ്ടാം തവണ ആതിഥേയത്വം വഹിക്കുന്ന ടൂർണമെൻ്റിനായി ജോർദാൻ, താജിക്കിസ്ഥാൻ, മലേഷ്യ എന്നിവയുൾപ്പെടെ നിരവധി U23 ദേശീയ ടീമുകൾ ഞായറാഴ്ച ഹമദ് അന്താരാഷ്ട്ര വിമാനത്താവളത്തിൽ എത്തിച്ചേർന്നിട്ടുണ്ട്.
മത്സരത്തിനായി ഉപയോഗിക്കുന്ന നാല് വേദികളും ടൂർണമെൻ്റിൻ്റെ ഓരോ ദിവസത്തെയും മത്സരങ്ങളുടെ ലൈനപ്പും പ്രദർശിപ്പിക്കുന്ന മാച്ച് ഷെഡ്യൂളും പുറത്തിറക്കിയിട്ടുണ്ട്.
ആദ്യ ദിനം അബ്ദുല്ല ബിൻ ഖലീഫ സ്റ്റേഡിയത്തിൽ ഓസ്‌ട്രേലിയയും ജോർദാനും തമ്മിലുള്ള രണ്ട് മത്സരങ്ങളും തുടർന്ന് ആതിഥേയരായ ഖത്തറും ഇന്തോനേഷ്യയും തമ്മിലുള്ള സായാഹ്ന മത്സരം ജാസിം ബിൻ ഹമദ് സ്റ്റേഡിയത്തിൽ നടക്കും. അവസാന മത്സരവും പിന്നീട് നടക്കും.
അൽ ജനൂബ് സ്റ്റേഡിയം, അബ്ദുല്ല ബിൻ ഖലീഫ സ്റ്റേഡിയം, ഖലീഫ ഇൻ്റർനാഷണൽ സ്റ്റേഡിയം എന്നിവയാണ് മറ്റ് വേദികൾ.
AFC U23 ഏഷ്യൻ കപ്പ് ഖത്തർ 2024-ലെ 32 മത്സരങ്ങളിൽ ഏതെങ്കിലുമൊരു മത്സരത്തിനുള്ള ടിക്കറ്റുകൾ 2024 ഏപ്രിൽ 5 വെള്ളിയാഴ്ച മുതൽ വില്പന ആരംഭിച്ചിട്ടുണ്ട്. ഗ്രൂപ്പ് സ്റ്റേജ് മത്സര ടിക്കറ്റുകളുടെ വില 15 റിയാൽ മുതൽ ആരംഭിക്കുന്നു. ടിക്കറ്റുകൾ ഹയ്യ ടു ഖത്തർ മൊബൈൽ ആപ്പ് വഴി ഓൺലൈനായി വാങ്ങാവുന്നതാണ്.
Content Highlights: Teams arrive for AFC U23 Asian Cup Qatar 2024, match schedule revealed
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.