ദോഹ: ഇൻ്റർനാഷണൽ അക്കാദമിസ് ഓഫ് എമർജൻസി ഡിസ്‌പാച്ച് (ഐഎഇഡി) അംഗീകാരമുള്ള സെന്റർ ഓഫ് എക്സലൻസ് (എസിഇ) അവാർഡ് ഹമദ് മെഡിക്കൽ കോർപ്പറേഷന്റെ ആംബുലൻസ് സർവീസസിനു ലഭിച്ചു. തുടർച്ചയായി നാലാം തവണയാണ് ഈ അവാർഡ് കരസ്ഥമാക്കുന്നത്. കഴിഞ്ഞയാഴ്ച യുഎസിലെ മേരിലാൻഡിൽ നടന്ന പരിപാടിയിലാണ് അവാർഡ് ഔദ്യോഗികമായി പ്രഖ്യാപിച്ചത്.
എമർജൻസി കമ്മ്യൂണിക്കേഷൻ സെൻ്ററുകൾക്ക് നൽകി വരുന്ന ഏറ്റവും ഉയർന്ന അംഗീകാരമാണിത്. വ്യവസായത്തിന് സ്ഥാപിതമായ നിലവാരത്തിലോ അതിന് മുകളിലോ ആണ് ഹമദ് പ്രവർത്തിക്കുന്നതെന്നാണ് ഈ അവാർഡ് നേട്ടം കാണിക്കുന്നത്.
“മികച്ച കേന്ദ്രമെന്ന നിലയിൽ ഐഎഇഡിയുടെ ഈ അംഗീകാരം ഖത്തറിലെ സമൂഹത്തിന് ഉയർന്ന നിലവാരമുള്ള അടിയന്തര പരിചരണം നൽകുന്നതിനുള്ള എച്ച്എംസിയുടെ തുടർച്ചയായ സമർപ്പണത്തെ പ്രതിഫലിപ്പിക്കുന്നു. ഇത് വെറുമൊരു ബഹുമതി മാത്രമല്ല, അടിയന്തര മെഡിക്കൽ സേവനങ്ങളിലെ മികവിനുള്ള ഞങ്ങളുടെ പ്രതിബദ്ധതയുടെ ആവർത്തനമാണ്,” എച്ച്എംസിയുടെ നാഷണൽ കമാൻഡ് സെൻ്ററിലെ കമ്മ്യൂണിക്കേഷൻ അസിസ്റ്റൻ്റ് എക്‌സിക്യൂട്ടീവ് ഡയറക്ടർ അബ്ദുൽ അസീസ് ഫാദോൾ സാലിഹ് അൽ-സലാഹി അൽയാഫീ പറഞ്ഞു.
ഖത്തറിലെ ജനങ്ങളുടെ വിശ്വാസവും സുരക്ഷയും വർധിപ്പിക്കുന്നതിൽ നിർണായക പങ്ക് വഹിക്കുന്ന ഈ അഭിമാനകരമായ സർട്ടിഫിക്കേഷൻ നേടിയെടുക്കുന്നതിൽ ഞങ്ങളുടെ അർപ്പണബോധവും കഠിനാധ്വാനവും നിർണായകമായിട്ടുണ്ടെന്നും അദ്ദേഹം കൂട്ടിച്ചേർത്തു.
“ഖത്തർ വിഷൻ 2030 ൻ്റെ ദർശനപരമായ ചട്ടക്കൂടും ഞങ്ങളുടെ സമർപ്പിതരായ ജീവനക്കാരുടെ അശ്രാന്ത പരിശ്രമവും കൂടാതെ സാധ്യമാകുമായിരുന്നില്ല, നാലാം തവണയും ഈ നാഴികക്കല്ല് കൈവരിക്കുന്നതിൽ ഞങ്ങൾക്ക് അതിയായ അഭിമാനമുണ്ട്,” ശ്രീ അബ്ദുൾ അസീസ് കൂട്ടിച്ചേർത്തു.
Content Highlights: Hamad Medical Corporation’s Ambulance Service won fourth consecutive international accreditation
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.