ദോഹ: വിസിറ്റ് ഖത്തറിന് പുതിയ സിഇഒയെ പ്രഖ്യാപിച്ച് ഖത്തർ ടൂറിസം. വിസിറ്റ് ഖത്തറിന്റെ പുതിയ സിഇഒ ആയി അബ്ദുൽ അസീസ് അലി അൽ മൗലവിയാണ് ചുമതലയേറ്റത്.
ഖത്തർ ടൂറിസത്തിലെ മാർക്കറ്റിംഗ് ആൻ്റ് പ്രൊമോഷൻ ഓഫീസറായിരുന്നു അദ്ദേഹം. തൻ്റെ ഭരണകാലത്ത് നിരവധി വിജയകരമായ പ്രമോഷണൽ കാമ്പെയ്‌നുകളുടെ സമാരംഭത്തിനും മേൽനോട്ടം വഹിച്ചു. കൂടാതെ നിരവധി ഇവൻ്റുകളുടെയും ഫെസ്റ്റിവലുകളുടെയും സമാരംഭത്തിന് പുറമേ സന്ദർശകരുടെ എണ്ണത്തിൽ വർദ്ധനവ് കൈവരിക്കുന്നതിനും കാരണമായി. ഇതിന്റെ ഭാഗമായി 2024 ൻ്റെ ആദ്യ പാദത്തിൽ 1.62 ദശലക്ഷം ആളുകളാണ് ഖത്തർ സന്ദർശിച്ചത്.
ഖത്തറിന്റെ വിനോദ സഞ്ചാരമേഖലയുടെ പ്രചാരണത്തിനും വികസനത്തിനുമായി പ്രവർത്തിക്കുന്ന ഖത്തർ ടൂറിസം സംവിധാനമാണ് ‘വിസിറ്റ് ഖത്തർ’. ടൂറിസത്തെ പ്രധാന സംവിധാനമായി വളർത്തിയെടുക്കുന്നതിന്റെ ആദ്യ ചുവടുവെപ്പായാണ് പുതിയ സി.ഇ.ഒയെ നിയമിച്ചത്.
Content Highlights: New CEO for Visit Qatar
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.