ദോഹ: ഖത്തറിൽ മെയ് 6 നാളെ മുതൽ മെയ് 8 ബുധൻ വരെ മേഘാവൃതമായ കാലാവസ്ഥ പ്രവചിക്കപ്പെടുന്നു.
നേരിയതോ മിതമായതോ ആയ ചിതറിക്കിടക്കുന്ന മഴയ്ക്ക് സാധ്യതയുണ്ടെന്നും അത് ചിലയിടങ്ങളിൽ ഇടിയോട് കൂടിയ മഴയ്ക്കുള്ള സാധ്യതയുണ്ടെന്നും കാലാവസ്ഥാവകുപ്പ് പ്രവചിക്കുന്നു.
ഈ കാലയളവിൽ കാലാവസ്ഥാവകുപ്പ് കൂടുതൽ മുന്നറിയിപ്പുകൾ നൽകിയിട്ടില്ല.
ഡിപ്പാർട്ട്മെൻ്റിൻ്റെ കാലാവസ്ഥാ വിവരങ്ങൾ അനുസരിച്ച് ഈ മാസം പകുതി വരെ മധ്യ-അക്ഷാംശ കാലാവസ്ഥാ സംവിധാനങ്ങൾ ഇടയ്ക്കിടെ ഈ മേഖലയിലൂടെ കടന്നുപോകുന്നത് തുടരും.
ഈ കാലാവസ്ഥ മെയ് രണ്ടാം പകുതിയിൽ കുറയുമെന്നും അത് കൂട്ടിച്ചേർത്തു.
“ഇന്ത്യൻ ന്യൂനമർദം ശക്തിപ്പെടുന്ന പ്രദേശത്തെ ബാധിക്കാൻ തുടങ്ങുന്നു, ഇത് മെയ് രണ്ടാം പകുതിയോടെ വടക്കൻ കാറ്റ് വീശാൻ കാരണമാകുന്നു,” കാലാവസ്ഥാവകുപ്പ് പറഞ്ഞു.
ഈ മാസത്തെ പ്രതിദിന ശരാശരി താപനില 32°C ആയിരിക്കും. ദോഹയിൽ മെയ് മാസത്തിൽ രേഖപ്പെടുത്തിയ ഏറ്റവും കുറഞ്ഞ താപനില 1971 ൽ 15.2 ഡിഗ്രി സെൽഷ്യസും ഏറ്റവും ഉയർന്ന താപനില 2014 ലെ 47.7 ഡിഗ്രി സെൽഷ്യസുമായിരുന്നു.
Content Highlights: Qatar Meteorology predicts another round of scattered rain
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.