ദോഹ: പ്രതിശീർഷ മൊത്ത ആഭ്യന്തര ഉൽപ്പാദനം (ജിഡിപി) അടിസ്ഥാനമാക്കിയുള്ള ലോകത്തിലെ ഏറ്റവും സമ്പന്നരാജ്യങ്ങളുടെ ലിസ്റ്റിൽ ആദ്യ 10ൽ ഖത്തർ ഇടം നേടി.
പർച്ചേസിംഗ് പവർ പാരിറ്റിയിൽ(പിപിപി) ക്രമീകരിച്ച പ്രതിശീർഷ ജിഡിപിയെ അടിസ്ഥാനമാക്കി ആഗോള സമ്പത്ത് വിലയിരുത്തുന്ന റിപ്പോർട്ടിൽ ഖത്തറിൻ്റെ ഗണ്യമായ സാമ്പത്തിക നേട്ടങ്ങൾ ഉയർത്തിക്കാട്ടുന്നു. ഈ റാങ്കിംഗ് ഖത്തറിൻ്റെ സാമ്പത്തിക സ്ഥിരതയുടെയും നിവാസികൾ ആസ്വദിക്കുന്ന ഉയർന്ന ജീവിത നിലവാരത്തിൻ്റെയും സുപ്രധാനമായ അംഗീകാരത്തെയാണ് പ്രതിഫലിപ്പിക്കുന്നത്.
2024 ജനുവരിയിൽ ഗ്ലോബൽ ഫിനാൻസ് മാഗസിൻ പുറത്തിറക്കിയ റിപ്പോർട്ട് പ്രകാരം തുടക്കത്തിൽ ഖത്തർ നാലാം സ്ഥാനത്തായിരുന്നു. എന്നിരുന്നാലും, ഏറ്റവും പുതിയ ഇൻ്റർനാഷണൽ മോണിറ്ററി ഫണ്ട് (IMF) ഡാറ്റയെ അടിസ്ഥാനമാക്കി 2024 ഏപ്രിലിൽ ഫോർബ്സ് ഇന്ത്യയും എൻഡിടിവി വേൾഡും പങ്കിട്ട ഏറ്റവും പുതിയ അപ്ഡേറ്റുകളിൽ ഖത്തർ ഏഴാം സ്ഥാനത്താണ്.
140,312 ഡോളർ പ്രതിശീർഷ ജിഡിപിയുമായി ലക്സംബർഗും 117,988 ഡോളറുമായി അയർലൻഡും 110,251 ഡോളറുമായി സ്വിറ്റ്സർലൻഡും 102,465 ഡോളറുമായി നോർവെയും 91,733 ഡോളറുമായി സിംഗപ്പൂരും യഥാക്രമം ആദ്യ അഞ്ചിൽ ഇടം നേടി.
87,875 ഡോളറുമായി ഐസ്ലാൻഡ് ആറാം സ്ഥാനത്തും, 84,906 ഡോളറുമായി ഖത്തർ ഏഴാം സ്ഥാനത്തും, തുടർന്ന് 83,066 ഡോളറുമായി അമേരിക്കയും, 72,940 ഡോളറുമായി ഡെൻമാർക്ക്, 70,135 ഡോളറിൻ്റെ പ്രതിശീർഷ ജിഡിപിയുമായി മക്കാവോയും ആദ്യ പത്തിൽ ഇടം നേടി.
Content Highlights: Qatar listed in top 10 richest countries in the world
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.