ഖത്തറിൽ ഇന്ന് മുതൽ ഇടിയോടു കൂടിയ മഴക്ക് സാധ്യത

ദോഹ: ശക്തമായ കാറ്റിനൊപ്പം ചൊവ്വാഴ്ച ഇടിയോടു കൂടിയ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം പ്രവചിക്കുന്നു. കടലേറ്റത്തിനും സാധ്യത പ്രവചിക്കുന്നു.

ഈദുൽ ഫിത്തറിൻ്റെ ഒന്നും രണ്ടും ദിവസങ്ങളിൽ (ബുധൻ, വ്യാഴം) അന്തരീക്ഷം മൂടിക്കെട്ടിയതും മേഘാവൃതവും ചിതറിക്കിടക്കുന്ന മഴയ്‌ക്കുള്ള സാധ്യതയും പ്രതീക്ഷിക്കുന്നു.

ഇന്നത്തെ കുറഞ്ഞ താപനിലയും കൂടിയ താപനിലയും യഥാക്രമം 25°C ഉം 33°C ഉം ആണ്. അടുത്ത രണ്ട് ദിവസങ്ങളിൽ കുറഞ്ഞതും കൂടിയതുമായ താപനില യഥാക്രമം 25°C, 34°C, 25°C, 35°C എന്നിങ്ങനെയായിരിക്കും.

Content Highlights: Rain expected Tuesday