ലോക അക്വാട്ടിക്സ് മാസ്റ്റേഴ്സ് ചാമ്പ്യൻഷിൽ ഖത്തറിനു സ്വർണതിളക്കം!

ദോഹ: ദോഹയിൽ നടക്കുന്ന 2024 ലോക അക്വാട്ടിക്‌സ് മാസ്റ്റേഴ്‌സ് ചാമ്പ്യൻഷിപ്പിൽ ഖത്തറിന് സ്വർണ്ണതിളക്കം. ഫിക്‌സഡ് ലാഡർ ഡൈവിംഗ് മത്സരത്തിലെ 30-34 പ്രായ വിഭാഗത്തിലാണ് ഖത്തറിന്റെ സ്വർണനേട്ടം. ബ്രിട്ടൻ്റെ സ്റ്റീഫൻ റെയ്നെതിരെ 289.80 പോയിൻറുമായാണ് ഖത്തറിൻറെ മുഹമ്മദ് ഷെവെയ്റ്ററാണ് സ്വർണം നേടിയത്. സ്റ്റീഫൻ റെയ്ൻ വെള്ളിയും (185.70 പോയിന്റ്റ്), ഫിൻലൻഡിൻറെ ആതു കെരാനെൻ വെങ്കലവും (179.10 പോയിന്റ്) സ്വന്തമാക്കി.

ഈ ചാമ്പ്യൻഷിപ്പിൽ ഖത്തർ ചാമ്പ്യൻ മുഹമ്മദ് ഷെവെയ്‌റ്ററിൻറെ മൂന്നാമത്തെ സ്വർണമാണിത്. അക്വാട്ടിക്‌സ് മാസ്റ്റേഴ്‌സ് ചാമ്പ്യൻഷിപ്പിലെ 1 മീറ്റർ, 3 മീറ്റർ സ്പ്രിംഗ് ബോർഡ് ഡൈവിംഗ് മത്സരങ്ങളിലായി മുഹമ്മദ് ഷെവെയ്‌റ്റർ രണ്ട് സ്വർണം നേടിയിരുന്നു.

ഫെബ്രുവരി 18ന് അവസാനിച്ച ലോക അക്വാട്ടിക്സ് ചാമ്പ്യൻഷിപ്പിന് ആതിഥേയത്വം വഹിച്ചതിന് ശേഷം ഇതാദ്യമായാണ് ലോക അക്വാട്ടിക്സ് മാസ്റ്റേഴ്സ് ചാമ്പ്യൻഷിപ്പ് ദോഹയിൽ നടക്കുന്നത്. ചാമ്പ്യൻഷിപ്പ് മാർച്ച് 3 വരെ തുടരും.

ആസ്പയർ ഡോം, ഹമദ് അക്വാറ്റിക് സെൻ്റർ, ഹമദ് ഓൾഡ് പോർട്ട് എന്നിവിടങ്ങളിൽ നടക്കുന്ന ചാമ്പ്യൻഷിപ്പിൽ നീന്തൽ, ഡൈവിംഗ്, വാട്ടർ പോളോ, റിഥമിക് നീന്തൽ, ഓപ്പൺ വാട്ടർ നീന്തൽ എന്നീ അഞ്ച് അക്വാട്ടിക് കായിക ഇനങ്ങളിലാണ് മത്സരങ്ങൾ നടക്കുന്നത്.