സിറിയക്കെതിരെയും തോൽവി, ഒരു ഗോൾ പോലും നേടാനാവാതെ ഇന്ത്യ ഏഷ്യൻ കപ്പിൽ നിന്നും പുറത്ത്

ദോഹ: എ.എഫ്.സി ഏഷ്യൻ കപ്പിൽ നിർണായകമായ അവസാന ഗ്രൂപ്പ് മത്സരത്തിൽ ഇന്ത്യ എതിരില്ലാത്ത 1 ഗോളിന് സിറിയയോട് തോൽവിയേറ്റുവാങ്ങി. ഇന്ന് (ചൊവ്വ) അൽ ബെയ്ത്ത് സ്റ്റേഡിയത്തിൽ ഉച്ചക്ക് 2.30നാ യിരുന്നു മത്സരം.

മത്സരത്തിന്റെ രണ്ടാം പകുതിയിൽ 76-ാം മിനിറ്റിലാണ് ഒമർ ക്രിബിനാണ് സിറിയക്കായി ഗോൾ നേടിയത്. ഇതോടെ ഇന്ത്യ ഗ്രൂപ്പ്‌ ടേബിളിൽ നാലാമതായി ഏഷ്യൻ കപ്പിൽ നിന്നും പുറത്തായി.

ഓസ്ട്രേലിയക്കെതിരായ ആദ്യ മാച്ചിലും, ഉസ്ബെക്കിസ്താനെതിരായ രണ്ടാമത്തെ മാച്ചിലും ഇന്ത്യക്ക് ഒരു ഗോൾ പോലും നേടാനായില്ല. ഇന്നത്തെ വിജയത്തോടെ സിറിയ അടുത്ത റൗണ്ടിലേക്ക് യോഗ്യത നേടി.

Content Highlights: India out Afc asian cup 2023