AFC ഏഷ്യൻ കപ്പ് ഖത്തർ 2023! പുതിയ സർവീസ് അപ്‌ഡേറ്റുകൾ പ്രഖ്യാപിച്ച് ദോഹ മെട്രോ

ദോഹ, ഖത്തർ: വരാനിരിക്കുന്ന AFC ഏഷ്യൻ കപ്പ് ഖത്തർ 2023 ന് ദോഹ മെട്രോ അതിന്റെ മെട്രോ, മെട്രോ ലിങ്ക് സേവനങ്ങളിൽ ചില മാറ്റങ്ങൾ പ്രഖ്യാപിച്ചു.

AFC ഏഷ്യൻ കപ്പ് ഖത്തർ 2023 ന്റെ ഉദ്ഘാടനത്തിനായി ദോഹ മെട്രോയുടെയും ലുസൈൽ ട്രാമിന്റെയും പ്രവർത്തന സമയം 2024 ജനുവരി 12 വെള്ളിയാഴ്ച ഉച്ചയ്ക്ക് 12 മണിക്ക് ആരംഭിക്കും.

തങ്ങളുടെ ഔദ്യോഗിക സോഷ്യൽ മീഡിയ ചാനലുകളിലാണ് ഇക്കാര്യം വ്യക്തമാക്കിയത്.

ടൂർണമെന്റിനിടെ സ്‌പോർട് സിറ്റിയിലെ തങ്ങളുടെ മെട്രോ എക്‌സ്‌പ്രസ് സർവീസ് അൽ വാബ് ക്യുഎൽഎം, ഷെൽട്ടർ 2-ൽ നിന്ന് പ്രവർത്തിക്കുമെന്ന് അറിയിച്ചു.

എഎഫ്‌സി ഏഷ്യൻ കപ്പിൽ ചില മേഖലകളിലെ മെട്രോലിങ്ക് സേവനങ്ങളും അപ്‌ഡേറ്റ് ചെയ്തിട്ടുണ്ട്. M311 മെട്രോലിങ്ക് സർവീസ് സ്‌പോർട് സിറ്റി സ്റ്റേഷന് പകരം അൽ സുഡാൻ ബസ് സ്റ്റേഷനിൽ നിന്നാണ് പ്രവർത്തിക്കുക.

M202, M203 മെട്രോലിങ്ക് സേവനങ്ങൾ ടൂർണമെന്റിൽ എജ്യുക്കേഷൻ സിറ്റി സ്റ്റേഷന് പകരം ഖത്തർ നാഷണൽ ലൈബ്രറി സ്റ്റേഷനിലെ ഷെൽട്ടർ 1-ൽ നിന്ന് പ്രവർത്തിക്കും.

അതേസമയം, 2024 ജനുവരി 10 ന് നടന്ന വാർത്താ സമ്മേളനത്തിൽ, എഎഫ്‌സി ഏഷ്യൻ കപ്പ് ഖത്തർ 2023 പ്രാദേശിക സംഘാടക സമിതിയുടെ മൊബിലിറ്റി ആൻഡ് ലോജിസ്റ്റിക്‌സ് എക്‌സിക്യൂട്ടീവ് ഡയറക്ടർ ഫൈസൽ അൽ മൊഫ്ത പറഞ്ഞു.

“ഞങ്ങൾക്ക് ആരാധകരെ എത്തിക്കാൻ 37 മെട്രോ സ്റ്റേഷനുകൾ ഉണ്ട്, അഞ്ച് ടൂർണമെന്റ് സ്റ്റേഡിയങ്ങൾ മെട്രോയുമായും , നാല് സ്റ്റേഡിയങ്ങൾ സ്വകാര്യ ട്രാൻസ്പോർട്ട് ബസുകളുമായും ബന്ധിപ്പിച്ചിരിക്കുന്നു.”

എഎഫ്‌സി ഏഷ്യൻ കപ്പിന് ആതിഥേയത്വം വഹിക്കുന്ന ഒമ്പത് സ്റ്റേഡിയങ്ങൾക്ക് ചുറ്റുമുള്ള 81,000 പാർക്കിംഗ് സ്ഥലങ്ങൾ കൂടാതെ ടൂർണമെന്റിൽ 600 പരിസ്ഥിതി സൗഹൃദ ബസുകൾ മാധ്യമങ്ങൾക്കും ആരാധകർക്കും സേവനം നൽകുമെന്ന് അദ്ദേഹം പറഞ്ഞു.

Content Highlights: Doha Metro announces service updates for AFC Asian Cup Qatar 2023