ന്യൂഡൽഹി: ആഗോള പട്ടിണി സൂചികയിൽ (ജിഎച്ച്ഐ) 125 രാജ്യങ്ങളിൽ ഇന്ത്യ 111-ാം സ്ഥാനത്തേക്ക് പിന്തള്ളപ്പെട്ടു. പാക്കിസ്ഥാനും ബംഗ്ലദേശിനും നേപ്പാളിനും ശ്രീലങ്കയ്ക്കും പിന്നിലാണ് ഇന്ത്യയുടെ സ്ഥാനം. കഴിഞ്ഞ വർഷം 121 രാജ്യങ്ങളുടെ പട്ടികയിൽ ഇന്ത്യയ്ക്ക് 107-ാം സ്ഥാനമായിരുന്നു.
പാക്കിസ്ഥാൻ (102) ബംഗ്ലദേശ് (81), നേപ്പാൾ (69), ശ്രീലങ്ക (60) എന്നിങ്ങനെയാണ് പട്ടികയിലെ സ്ഥാനം നിശ്ചയിച്ചിരിക്കുന്നത്. ശിശുക്കളുടെ പോഷകാഹാരക്കുറവ് 18.7 ശതമാനത്തോടെ ഏറ്റവും കൂടുതൽ ഇന്ത്യയിലാണ്. ശിശു മരണനിരക്ക് 3.1%. 15നും 24നും ഇടയിലുള്ള പെൺകുട്ടികളിൽ ശരിയായ പോഷണം ലഭിക്കാത്തവർ 58.1 ശതമാനമായും കണക്കാക്കിയിരിക്കുന്നു.
എന്നാലിത് നല്ല ഉദ്ദേശത്തോടെ തയാറാക്കിയ പട്ടികയല്ലെന്നും തള്ളിക്കളയുന്നതായും കേന്ദ്ര സർക്കാർ പ്രതികരിച്ചു. കണക്കെടുപ്പിന്റെ മാനദണ്ഡത്തെ രൂക്ഷമായി വിമർശിക്കുകയും ചെയ്തു. ലോകമെങ്ങും പട്ടിണിക്കെതിരായ പോരാട്ടം നിശ്ചലാവസ്ഥയിലാണെന്നു സൂചിക ചൂണ്ടിക്കാണിക്കുന്നു.
Content Highlights: India ranks 111th in global poverty index
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.