ദോഹ: ഫിലിപ്പൈൻ തലസ്ഥാനമായ മനിലയിൽ 2023ലെ ഫിബ ലോകകപ്പ് സമാപന ചടങ്ങിനോടനുബന്ധിച്ച് പ്രത്യേകമായി സംഘടിപ്പിച്ച ചടങ്ങിൽ 2027ലെ ഫിബ ലോകകപ്പിനുള്ള പന്ത് ഖത്തർ ഔദ്യോഗികമായി സ്വീകരിച്ചു.
ചടങ്ങിൽ, 2023 ഫിലിപ്പീൻസിൽ നടക്കുന്ന ലോകകപ്പിന്റെ സംഘാടക സമിതി ചെയർമാൻ മാനുവൽ പങ്കിലിനൻ അന്താരാഷ്ട്ര ബാസ്കറ്റ്ബോൾ ഫെഡറേഷൻ പ്രസിഡന്റ് ഹമാൻ നിയാങ്ങിന് പന്ത് സമ്മാനിച്ചു.
ഖത്തർ ബാസ്‌ക്കറ്റ്‌ബോൾ ഫെഡറേഷൻ പ്രസിഡന്റ് മുഹമ്മദ് അൽ മഗൈസീബിനും ഖത്തർ ഒളിമ്പിക് കമ്മിറ്റി മാർക്കറ്റിങ് ആൻഡ് കമ്യൂണിക്കേഷൻ വിഭാഗം ഡയറക്ടർ ഷെയ്ഖ അസ്മ അൽതാനിക്കും നിയാങ് ഇത് കൈമാറി.
ഏപ്രിൽ 28 ന് ഫിലിപ്പൈൻ തലസ്ഥാനമായ മനിലയിൽ നടന്ന യോഗത്തിലാണ് 2027 ലോകകപ്പിന് ആതിഥേയത്വം വഹിക്കാനുള്ള ബിഡ് ഖത്തർ നേടിയതെന്ന് ഇന്റർനാഷണൽ ബാസ്കറ്റ്ബോൾ ഫെഡറേഷൻ അറിയിച്ചു.
സ്ഥാനാർത്ഥി രാജ്യങ്ങൾ സമർപ്പിച്ച ഫയലുകൾ വിലയിരുത്തിയ ശേഷമാണ് ഇന്റർനാഷണൽ ഫെഡറേഷന്റെ സെൻട്രൽ കൗൺസിൽ തീരുമാനം പ്രഖ്യാപിച്ചത്. മിഡിൽ ഈസ്റ്റ്, നോർത്ത് ആഫ്രിക്ക മേഖലയിൽ ആദ്യമായി നടക്കുന്ന ടൂർണമെന്റിന്റെ 2027 പതിപ്പിന് ആതിഥേയത്വം വഹിക്കാനുള്ള ഏറ്റവും പ്രധാനപ്പെട്ട തിരഞ്ഞെടുപ്പ് ഖത്തർ തന്നെയായിരുന്നു.
ഖത്തർ ഉടമസ്ഥതയിലുള്ള അസാധാരണമായ സൗകര്യങ്ങൾ, കായികവികസനത്തിനുള്ള അതിയായ ആഗ്രഹം, വരാനിരിക്കുന്ന ഫിഫ വേൾഡ് കപ്പ് ഖത്തർ 2022 ഉൾപ്പെടെയുള്ള പ്രധാന കായിക ടൂർണമെന്റുകൾ ആതിഥേയത്വം വഹിക്കുന്നതിലെ വിജയകരമായ ട്രാക്ക് റെക്കോർഡ് എന്നിവ തങ്ങളുടെ തീരുമാനത്തിനുള്ള കാരണങ്ങളായി അന്താരാഷ്ട്ര ഫെഡറേഷൻ ചൂണ്ടിക്കാണിച്ചു.
Content Highlights: Qatar officially receives ball for 2027 FIBA World Cup
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.