ഖത്തറിലെ ഏറ്റവും ദൈർഘ്യമേറിയ ഇൻഫ്‌ലേറ്റബിൾ ഒബ്‌സ്റ്റാക്കിൾ കോഴ്‌സിന് ഗിന്നസ് ലോകറെക്കോർഡ്

ദോഹ, ഖത്തർ: വെല്ലുവിളി നിറഞ്ഞ പ്രതിബന്ധങ്ങളുടെ 60 വ്യത്യസ്‌ത വിഭാഗങ്ങളുള്ള ഇൻഫ്‌ലാറ്റമോൺസ്റ്റർ ലോകത്തിലെ ഏറ്റവും ദൈർഘ്യമേറിയ ഇൻഫ്‌ലേറ്റബിൾ ഒബ്‌സ്റ്റാക്കിൾ കോഴ്‌സ് എന്ന ഗിന്നസ് റെക്കോർഡ് സ്ഥാപിച്ചു.

ഖത്തർ ഫൗണ്ടേഷനിലെ എജ്യുക്കേഷൻ സിറ്റിയിൽ നടന്ന InflataRUN ഇവന്റിൽ ഇവന്റ്സ് & എന്റർടെയ്ൻമെന്റ് എന്റർപ്രൈസസിന് (E3) ഏറ്റവും ദൈർഘ്യമേറിയ ഇൻഫ്ലേറ്റബിൾ ഒബ്‌സ്റ്റാക്കിൾ കോഴ്‌സിനുള്ള ആദ്യത്തെ ഗിന്നസ് വേൾഡ് റെക്കോർഡ് ലഭിച്ചു.

കോണിഫോക്സ് അഡ്വഞ്ചർ പാർക്കിന്റെ (സ്കോട്ട്ലൻഡ്) നിലവിലെ റെക്കോർഡായ 568.10 മീ. E3 ഔദ്യോഗികമായി ഇത്‌ തകർത്തു. അതിന്റെ ഇരട്ടി നീളമായ 1,055.225 മീറ്ററാണ് InflataMONSTER ന്റെ നീളം.bഗിന്നസിൽ നിന്നുള്ള ഒരു ഒഫീഷ്യൽ അഡ്‌ജുഡിക്കേറ്റർ ഈ റെക്കോർഡ് അവതരിപ്പിക്കുകയും ലോകത്തെ ഏറ്റവും ദൈർഘ്യമേറിയ ഇൻഫ്‌ലാറ്റബിൾ ഒബ്‌സ്റ്റാക്കിൾ കോഴ്‌സിന്റെ പുതിയ റെക്കോർഡ് ഉടമയായി സ്വതന്ത്ര സർവേയർമാർ സ്ഥിരീകരിക്കുകയും ചെയ്തു.

ഖത്തറിലെ താമസക്കാർക്ക് 2 ഇൻഫ്‌ലേറ്റബിൾ റേസുകളിൽ മത്സരിക്കാം. 2023 മാർച്ച് 18 ശനിയാഴ്ചയാണ് InflataRACES ഷെഡ്യൂൾ ചെയ്‌തിരിക്കുന്നത്, 100 മീറ്റർ വെല്ലുവിളി നിറഞ്ഞ ‘സ്‌പ്രിന്റ്’ ഒരു ഇൻഫ്‌ലാറ്റബിൾ കോഴ്‌സിലുടനീളം മത്സരിക്കും, ‘മോൺസ്റ്റർ’ – 1,055 മീറ്റർ സ്‌ട്രെച്ച് ആറ് വയസ്സിന് മുകളിലുള്ള ഓട്ടക്കാർക്ക് വെല്ലുവിളി ഉയർത്തും.

ഓരോ റേസിനും ഉചിതമായ പ്രായത്തിലുള്ള അഞ്ച് മത്സര വിഭാഗങ്ങൾ ഉണ്ടായിരിക്കും. കിഡ്‌സ് മിനി 6-9 വയസ് പ്രായമുള്ള കുട്ടികൾക്കും കിഡ്‌സ് ജൂനിയർ 10-13 വയസ് പ്രായമുള്ള കുട്ടികൾക്കും കിഡ്‌സ് സീനിയർ 14-17 നും ഇടയിലുള്ള കൗമാരക്കാർക്കും ലഭ്യമാണ്. 40 വയസും അതിനുമുകളിലും പ്രായമുള്ള സീരിയസ് ഓട്ടക്കാർക്കായി ഒരു മാസ്റ്റേഴ്സ് വിഭാഗവും 18-40 വയസ്സിനിടയിലുള്ള എല്ലാ മത്സരാർത്ഥികൾക്കും മുതിർന്നവരുടെ വിഭാഗവും ഉണ്ടായിരിക്കും. ഓരോ വിഭാഗത്തിലെയും ആദ്യ മൂന്ന് ആൺ-പെൺ വിജയികൾ പണവും വൗച്ചറുകളും പങ്കിടുകയും വിജയികളുടെ മെഡലുകൾ നേടുകയും ചെയ്യും.

4 മുതൽ 11 വയസ്സുവരെയുള്ള കുട്ടികൾക്ക് 175 റിയാലും 12 വയസ്സിന് മുകളിലുള്ളവർക്ക് 185 റിയാലും വിലയുള്ള ടിക്കറ്റുകൾ www.inflatarun.com/tickets ൽ ഓൺലൈനായി വാങ്ങാം.

Content Highlights : Guinness Record for longest inflatable obstacle course set in Qatar