2023 എഎഫ്സി ഏഷ്യൻ കപ്പ് അടുത്ത വർഷം ജനുവരി 12 മുതൽ ഫെബ്രുവരി 10 വരെ ദോഹയിൽ തുടക്കമാവുമെന്ന് ഖത്തർ ഫുട്ബോൾ അസോസിയേഷൻ (ക്യുഎഫ്എ) ചൊവ്വാഴ്ച പ്രസ്താവനയിൽ അറിയിച്ചു.
തുടക്കത്തിൽ ചൈനയിൽ നടക്കാനിരുന്ന ടൂർണമെന്റിന്റെ ലോജിസ്റ്റിക്‌സ് ക്രമീകരിക്കുന്നതിനായി ഒരു ലോക്കൽ ഓർഗനൈസിംഗ് കമ്മിറ്റി (എൽഒസി) രൂപീകരിക്കുന്നതായും ക്യുഎഫ്എ സ്ഥിരീകരിച്ചു.
ക്യുഎഫ്എ ഷെയ്ഖ് ഹമദ് ബിൻ ഖലീഫ ബിൻ അഹമ്മദ് അൽതാനിയെ എൽഒസി ചെയർമാനായി നിയമിച്ചതായി സോഷ്യൽ മീഡിയയിൽ പങ്കുവെച്ച പ്രസ്താവനയിൽ പറയുന്നു.
കഴിഞ്ഞ വർഷം ഒക്ടോബറിൽ നടന്ന ബിഡിൽ 2023ലെ ഏഷ്യൻ ടൂർണമെന്റ് ദക്ഷിണ കൊറിയയെയും ഇന്തോനേഷ്യയിലെയും ഫുട്ബോൾ ഫെഡറേഷനുകളെ പരാജയപ്പെടുത്തി ഖത്തർ ഉറപ്പിക്കുകയായിരുന്നു.
എഎഫ്സി പ്രസിഡന്റ് ഷെയ്ഖ് സൽമാൻ ബിൻ ഇബ്രാഹിം അൽ ഖലീഫ ഖത്തർ ഫുട്ബോൾ അസോസിയേഷനെ (ക്യുഎഫ്എ) വിജയകരമായ ശ്രമത്തിൽ അഭിനന്ദിച്ചു.
“എഎഫ്‌സിയുടെയും ഏഷ്യൻ ഫുട്ബോൾ കുടുംബത്തിന്റെയും പേരിൽ, എഎഫ്സി ഏഷ്യൻ കപ്പിന്റെ വരാനിരിക്കുന്ന പതിപ്പിന്റെ ആതിഥേയാവകാശം ലഭിച്ച ഖത്തർ ഫുട്ബോൾ അസോസിയേഷനെ ഞാൻ അഭിനന്ദിക്കാൻ ആഗ്രഹിക്കുന്നു,” അൽ ഖലീഫ പറഞ്ഞു.
1988, 2011 പതിപ്പുകൾക്ക് ശേഷം ഇത് മൂന്നാം തവണയാണ് രാജ്യം ഇവന്റിന് ആതിഥേയത്വം വഹിക്കുന്നത്.
Content Highlights: Qatar to host 2023 AFC Asian Cup in January
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.