ദോഹ: മെട്രാഷ് 2 ആപ്പിലൂടെ ലോകകപ്പ് ലോഗോ പതിച്ച പ്രത്യേക നമ്പർ പ്ലേറ്റുകൾക്കായുള്ള പതിനൊന്നാമത് ഇലക്ട്രോണിക് ലേലം ജനറൽ ഡയറക്ടറേറ്റ് ഓഫ് ട്രാഫിക് കഴിഞ്ഞയാഴ്ച സമാപിച്ചു.
ഔദ്യോഗിക ലോകകപ്പ് ലോഗോ പതിച്ച 50 പ്രത്യേക നമ്പർ പ്ലേറ്റുകളാണ് ഓൺലൈൻ ലേലത്തിൽ വിറ്റുപോയത്.
മെട്രാഷ് 2-ൽ പ്രദർശിപ്പിച്ചിരിക്കുന്ന വിശദാംശങ്ങളുടെ അടിസ്ഥാനത്തിൽ, 811118 എന്ന നമ്പർ പ്ലേറ്റാണ് ഏറ്റവും ഉയർന്ന വില രേഖപ്പെടുത്തിയത്. 1.8 മില്യൺ (1848000) റിയാലാണ് ലഭിച്ചത്.
ഇതിനെത്തുടർന്ന് 666662 എന്ന രണ്ടാമത്തെ നമ്പർ പ്ലേറ്റ് 1.7 മില്യൺ റിയാൽ ലഭിച്ചു. അതേസമയം ഏറ്റവും കുറഞ്ഞ നമ്പർ 200,000 റിയാലിൽ താഴെയായി വിറ്റു.
വ്യവസ്ഥകൾ അനുസരിച്ച് ലേലത്തിൽ വിജയിക്കുന്ന വ്യക്തി പരമാവധി 4 പ്രവൃത്തി ദിവസങ്ങൾക്കുള്ളിൽ ട്രാഫിക് വിഭാഗവുമായി ബന്ധപ്പെടണം.
Content Highlights: Special number plates with Qatar 2022 logo fetches around QR2 million
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.