ഖത്തറിൽ പ്രതിദിന കോവിഡ് ഡാറ്റ പ്രസിദ്ധീകരിക്കുന്നത് നിർത്തും, പ്രതിവാര സംഗ്രഹത്തിലേക്ക് മാറുമെന്ന് പൊതുജനാരോഗ്യമന്ത്രാലയം

ദോഹ : 2022 മെയ് 22 ഞായറാഴ്ച മുതൽ, പൊതുജനാരോഗ്യ മന്ത്രാലയം (MOPH) സോഷ്യൽ മീഡിയയിൽ ദിവസേനയുള്ള കോവിഡ് 19 ഡാറ്റ പ്രസിദ്ധീകരിക്കുന്നത് നിർത്തുകയും പ്രതിവാര സംഗ്രഹത്തിലേക്ക് മാറുകയും ചെയ്യും.

പുതിയ കേസുകൾ, ആശുപത്രിയിൽ പ്രവേശിപ്പിച്ചവർ, മരണങ്ങൾ, നൽകിയ വാക്സിനുകളുടെ എണ്ണം, സുഖം പ്രാപിച്ച രോഗികളുടെ എണ്ണം എന്നിവയുൾപ്പെടെ എല്ലാ പ്രധാന കോവിഡ് 19 ഡാറ്റയും ഉപയോഗിച്ച് പൊതുജനാരോഗ്യ മന്ത്രാലയത്തിന്റെ വെബ്സൈറ്റ് ദിവസവും അപ്ഡേറ്റ് ചെയ്യുന്നത് തുടരും. പ്രതിവാര കോവിഡ് 19 ഡാറ്റ സംഗ്രഹം 2022 മെയ് 30 തിങ്കളാഴ്ച മുതൽ എല്ലാ തിങ്കളാഴ്ചയും സോഷ്യൽ മീഡിയയിൽ പോസ്റ്റ് ചെയ്യും.

കഴിഞ്ഞ ആഴ്‌ചകളിൽ ഖത്തറിൽ കൊവിഡ്-19 കേസുകളുടെ എണ്ണത്തിൽ കുറവുണ്ടായതിന്റെ വെളിച്ചത്തിലാണ് കൊവിഡ്-19 പ്രതിരോധ നടപടികൾ പിൻവലിച്ചതെന്ന് മന്ത്രാലയം വ്യക്തമാക്കി. പകർച്ചവ്യാധിയെ ചെറുക്കാനുള്ള ഖത്തറിന്റെ ശ്രമങ്ങളുടെ വിജയത്തിന് ഇത് വലിയ സംഭാവന നൽകിയിട്ടുണ്ട്.