- Advertisement -
ദോഹ: കോവിഡ് വ്യാപനം തടയാൻ രാജ്യത്ത് ഇന്നലെ മുതൽ പുതിയ നിയന്ത്രങ്ങൾ ഏർപ്പെടുത്തി. കോവിഡ് സ്ഥിരീകരിക്കുന്നവരുടെ എണ്ണവും, ആശുപത്രിയിൽ പ്രവേശിപ്പിക്കുന്നവരുടെ എണ്ണവും വർധിക്കുന്ന സാഹചര്യത്തിലാണ് കൂടുതൽ നിയന്ത്രണങ്ങൾ ഏർപ്പെടുത്തിയിരിക്കുന്നത്. എന്തെലാമാണ് പുതിയ നിയന്ത്രണങ്ങൾ എന്നറിയാം.
ഒത്തുചേരലുകൾ, യോഗങ്ങൾ
- Advertisement -
- സർക്കാർ സ്വകാര്യ മേഖലകളിലെ ഓഫീസ് യോഗങ്ങളിൽ പരമാവധി 5 പേർക്ക് മാത്രം പങ്കെടുക്കാം.
- വീടുകളിലെയും മജ്‌ലിസുകളിലെയും അകത്ത് ഒത്തുചേരലുകൾ പാടുള്ളതല്ല. പുറത്ത് 5 പേർക്ക് ഒത്തുചേരാം
- അകം വേദികളിലും പുറം വേദികളിലും വിവാഹ പാർട്ടികൾ പാടില്ല.
- ബീച്ചുകളിലും പൊതുസ്ഥലങ്ങളിലും പരമാവധി 2 പേർക്ക് മാത്രം ഒത്തുചേരാൻ പാടൊള്ളു. ഒരേ കുടുംബത്തിലേ അംഗങ്ങൾക്ക് ഈ വ്യവസ്ഥ ബാധകമല്ല.
വിദ്യാഭ്യാസ, ആരോഗ്യ മേഖല
- സ്വകാര്യ ആരോഗ്യ കേന്ദ്രങ്ങൾ 70% ശേഷിയിൽ മാത്രം പ്രവർത്തിക്കാം
- വിദ്യാഭ്യാസ പരിശീലന കേന്ദ്രങ്ങളിൽ ഓൺലൈൻ പഠനം മാത്രമേ പാടൊള്ളു
- ഭിന്ന ശേഷി കേന്ദ്രങ്ങളിൽ വ്യക്തിഗത സെഷനുകൾ മാത്രം
- ഡ്രൈവിംഗ് സ്കൂളുകൾ ഇനി ഒരു അറിയിപ്പ് ഉണ്ടാകുന്നത് വരെ തുറക്കില്ല
ബിസിനസ് മേഖല
- Advertisement -
- ഷോപ്പിംഗ് മാളുകളുടെ ശേഷി 30 ശതമാനമാക്കി
- ഫുഡ് കോർട്ടുകളിൽ പിക്ക് അപ്പ് സേവനങ്ങൾ മാത്രം
- പരമ്പരാഗത സൂഖുകളുടെയും ഹോൾ സെയിൽ മാർക്കറ്റുകളുടെയും പ്രവർത്തന ശേഷി 30 ശതമാനമാക്കി.
- ഹോൾസെയിൽ മാർക്കറ്റുകൾ, സൂഖുകൾ, ഷോപ്പിങ്ങ് മാളുകൾ എന്നിവിടെങ്ങളിൽ 12 വയസ്സിൽ താഴെയുള്ള കുട്ടികൾക്ക് പ്രവേശനമില്ല.
- തിരഞ്ഞെടുക്കപ്പെട്ട സമ്മേളനങ്ങൾ, പ്രദർശനങ്ങൾ, വ്യാപാരമേളകൾ എന്നിവക്ക് പൊതുജനാരോഗ്യ മന്ത്രാലയത്തിന്റെ മുൻ‌കൂർ അനുമതി നിർബന്ധം
വിനോദ മേഖല
- സിനിമ തീയ്യറ്ററുകളുടെ പ്രവർത്തനശേഷി 20% മാക്കി കുറച്ചു. 18 വയസ്സിൽ താഴെയുള്ളവർക്ക് പ്രവേശനമില്ല.
- ജിംനേഷ്യങ്ങൾ തുറക്കില്ല. സോന, സ്റ്റീം മുറികൾ, ജക്കൂസികൾ, മാസജ്ജ് സേവനങ്ങൾ, മെറോക്കൻ, തുർക്കിഷ് ബാത്ത് എന്നിവ പ്രവർത്തിക്കില്ല.
- തീം പാർക്കും, വിനോദ കേന്ദ്രങ്ങൾ, അകം പുറം വേദികളിലെ നീന്തൽ കുളങ്ങൾ, വാട്ടർ പാർക്കുകൾ എന്നിവ അടക്കും. ലൈബ്രറികൾ മ്യൂസിയങ്ങൾ എന്നിവയുടെ ശേഷി 30% മാക്കി.
യാത്ര, കായിക മേഖല
- ഒരേ കുടുംബത്തിലെ അംഗങ്ങൾക്ക് ഒഴികെ മറ്റാർക്കും ടൂറിസ്റ്റ്, ഉല്ലാസ ബോട്ടുകൾ വാടകക്ക് കൊടുക്കാൻ പാടില്ല.
- ദോഹ മെട്രോയുടെ കർവ ബസുകളുടെയും ശേഷി വാരാന്ത്യങ്ങളിൽ 20 ശതമാനമാക്കി.
- ബബിൾ സംവിധാനത്തിലുള്ള പ്രാദേശിക, രാജ്യാന്തര ടൂർണമെന്റുകളിൽ മാത്രം കായിക ടീമുകൾക്ക് പരിശീലനം ആകാം.
- പ്രാദേശിക, ഇന്റർനാഷണൽ കായിക പരിപാടികൾക്ക് പൊതുജനാരോഗ്യ മന്ത്രാലയത്തിന്റെ മുൻ‌കൂർ അനുമതി വേണം.
വാട്സ്ആപ്പ് ബ്രോഡ്കാസ്റ്റ് ലിസ്റ്റിൽ അംഗമാവാൻ SUBSCRIBE ബട്ടൺ ക്ലിക്ക് ചെയ്യുക.