വിദേശത്ത് നിന്ന് മടങ്ങിയെത്തിയ 40 പേര്‍ക്ക് കോവിഡ്.

ദോഹ: ഖത്തറില്‍ കഴിഞ്ഞ 24 മണിക്കൂറിനുള്ളില്‍ പുതിയ 202 കൊറോണ കേസുകള്‍ സ്ഥിതീകരിച്ചു. 194 പേര്‍ രോഗമുക്തി നേടി. പുതിയ 202 കേസുകളില്‍ 162 എണ്ണം പ്രാദേശിക കേസുകളും 40 എണ്ണം വിദേശത്ത് നിന്ന് മടങ്ങിയെത്തിയവരുമാണ്. ഇതോടെ ഖത്തറില്‍ ആകെ കോവിഡ്‌ സ്ഥിതീകരിച്ചവരുടെ എണ്ണം 1,34,013 ആയി. നിലവില്‍ 2,706 കേസുകളാണ് ചികിത്സയില്‍ കഴിയുന്നത്.

കഴിഞ്ഞ 24 മണിക്കൂറിനുള്ളിൽ മന്ത്രാലയം 3,997 ടെസ്റ്റുകൾ നടത്തി. ഇതുവരെ നടത്തിയ ആകെ ടെസ്റ്റുകളുടെ എണ്ണം 10,11,047 ആണ്. കഴിഞ്ഞ 24 മണിക്കൂറിനുള്ളിൽ ആശുപത്രിയിൽ 32 പേരെയാണ് പ്രവേശിപ്പിച്ചത്. ഇതോടെ ആശുപത്രിയില്‍ കഴിയുന്ന മൊത്തം രോഗികളുടെ എണ്ണം 276 ആയാണ് കണക്കാക്കുന്നത്.